Hoxe fixemos unha complicada ruta pola zona de Castiñeiras, con subidas duras e baixadas bastante difíciles.
Iniciamos a ruta pola zona de Salcedo, gañando altura polas pistas Matalobos e o Carramal. Unha vez alcanzada a autoestrada, xiramos no lugar da Esculca, atopando un excelente camiño paralelo á PO-012 por debaixo da Brilat. Así desembocamos na estrada á altura do Viveiro e seguimos de frente polos montes de Figueirido con boas e despexadas pistas, ata dar coa estada que baixa a Vilaboa.
Descendemos un pouquiño e xiramos de novo á dereita, para ascender ó lago por unha ruta de sendeirismo que para baixar é estupenda, pero ten fortes pendentes de subida e zonas con auga.
Cando chegamos ó pe mesmo da lagoa, iniciamos un descenso hacia a zona de Vilar pola única pista que atopamos, rodeando as Cavadas, iniciamos un novo ascenso ata chegar de novo á lagoa, pasando a carón da Anta.
As mámoas ou medorras ou túmulos son amoreamentos artificiais de terra e/ou pedras, habitualmente de forma esférica (xa que ás veces presentan unha estrutura lixeiramente elíptica), que se nos presentan de forma brusca sobre o terreo que sinalan e conteñen un ou varios enterramentos.
Normalmente no seu interior agachan unha estrutura pétrea coñecida como dolmenou anta, formando o conxunto un túmulo funerario característica da cultura megalítica.
Para o descenso atopamos marcado o recorrido do que penso que foi a última KDD de decembro. Así baixamos á Marín, por unha ruta divertida pero un pouco esixente para a nosa técnica e as nosas bicis. Aínda así chegamos á vila mariñeira sen incidentes.
os biciclistas de Pontevedra 