Como queira que os compañeiros tiñan compromisos, iniciei unha ruta por estrada en solitario. Resultou unha ruta bastante dura. Salvando as distancias, subimos Mont Ventoux (Portela da Cruz) e Alpe d´Huez. (Outeiro Malato).
Iniciamos o ascenso de Vilarchán, xa de saída, para continuar hacia Pontecaldelas e subir a Caritel. Un pequeno descanso na Lama e de novo inícianse as rampas duras a partir de Antas ata chegar ó cruce das Ermitas.
Todo este terreo vai picando para arriba, con pequenos descansos que mais ben son rompepernas.
Ultimas rampas da Portela da Cruz:
Unha vez coroada a Portela da Cruz decatámonos de que levamos ascendidos máis de 22 kilómetros dende Pontecaldelas e 35 dende Pontevedra. Para máis inri, un forte vento en contra acompáñame dende a Lama ata Beariz.
Collemos a estrada que nos leva a Avión, hai dous fortes descensos interrumpidos por un pequeno repeito.
Unha vez superada a ponte do Río Avia, collemos o desvío á derita nos leva a Abelenda, seguimos de frente o pobo ata coller o desvío á dereita que leva á Rodeiro, ruta dos Chozos, que son construccións de pastores de refuxio na montaña. Para maior orientación, a ruta correcta está marcada con frechas, por ser parte dun triatlon.
O porto resulta bastante duro, menos mal que o vento que antes incomodaba agora axuda por veces.
Obsérvense as curvas de ferradura:
o e bastante rugoso:
Contei 13 curvas de ferradura ata coroar no parque eólico, o que fai máis bonita a subida, pero apenas lle quita dureza, pois son 8 quilómetros de subida continua, hai rampas de polo menos o 16 %, cunha media aproximada do 8 %
Xa preto da cima:
Unha vez coroado o Outeiro Malato, despois de llanear un kilómetro, temos un ascenso final doutro kilómetro ata o Coto dos Xarotos, a casi 1000 metros.
Descendemos por Pigarzos seguindo por Xesta, co seu duro repeito para chegar ás Ermitas para enlazar coa ruta de ascensión para voltar a Pontevedra.
Últimamente le estáis dando duro a las flacas… y menudas rutas!!!